فرفور ميرى
********
فرفور الفرافير الميرى
كلِّى ضميرى
و إتمشى يرقَّص ف حواجبه
و دا أكل و مرعى و قلت صنعه
و رايح جاى .. رايح جاى
خلى الننى جوا عيونى
بندول ساعه ماعرفش إزاى
لعب الآتى ف عب الحالى
راح خَنقه ف اللفه قبالى
منظر من روعته أوحالى
أفقع نفسى بلطه ف قلبى
جيت اضرب صدرى ف شماله
مالقتهوش
جيت اضرب صدرى ف يمينه
مالقتهوش
جانى الصوت من ضهرى يقولِّى
حوش يا عم ف قلبك حوش
إتنتور ع الأرض الطاهره
و نتر منه ست وشوش
* * *
صرصار الليل الزنان
و الحربايه ام الألوان
و السحليه و القنفود
جاتهم قرفه
راحت غارفه
من لسانتهم جمله غريبه بصوت حشراتى
" يلعن أبو صنف الإنسان
الزنان ابو الألوان
المتسحلل
المتقنفد جوه عبايته فاهمه الدور"
* * *
فرفور الفرافير الميرى
قرقض حبلى
جيت أنطق
راح ناطق قبلى
جيت أمشى
سحب الأسفلت
و اما وقفت
قطعلى رجلى
هناك 6 تعليقات:
حظي اني تملي الاول
طبعا عيييب
اني اتكلم واقول
الكببير كبير برده
وانا رايي قولتهولك لما سمعها منك يا عسل
والله يا محمد انت حد جميل ورائع وشعرك كمان اكبر من اني اقول عليه حاجه
والله ما بجاملك يا صاحبي
وحلوه اوي
فار الفرافير الميري كلي ضميري
محمد.. رجع تاني الحكواتي ؟
قوية وحلوة وده العادي منك
بس الصور والتعابير جديدة لدرجة
اني باركز فيها كتير قبل ماتنقل للسطر التاني
ارد علي حتة حتة وتعبير تعبير.. لا صعب
ماكل سطر فيه جديد
عاليه اوي
كمل
آدم المصرى
ربنا يخليك يا حبيبى
و الله مافى كبير غيرك
محمد مفيد
أنت اللى جميل و الله
saso
حكواتى صحيح حكواتى
:)
و الله بترفعى معنوياتى خالص
ممدوح دره
حاضر :)
الله ياملك
انا بحب دي جدااااااااان
بتفكرني بفؤاد حداااااااااااد
إرسال تعليق