*************
حكواتى .. صحيح حكواتى.. و مهرج راسم نجماتى..على وشى و زارع تفاحه.. ف مناخيرى و صوتى دا شاعر بربابه.. إدعوا له يحكى و يواتى
حكواتى صحيح حكواتى
ياللى سارحه م الصباح للمغربيه .. مين دليلك؟ مين موريلك سبيلك؟ .. مين إمام؟
و انتى يا أحلى صبيه .. بين وشوش الناس لقيه .. بدر ساب المشربيه
ماشى يسحر .. ف الزحام
ميت غفير يمكن شويه يحرسوا بدر التمام
و لا ليه هايحرسوكى و كل الناس امك أبوكى اختك أخوكى
كل الناس قرايبك إنتى .. و إنتى ما تبغى المحارم
عينك الهاديه تدوَّر .. ع الولا أبو جلد أسمر .. اللى من آآآآخر بلادك
ع الولا اللى حَلالك أو تريدى يكون حَلالك
يوم يجر اليومِ لما مشيك الهادى حِلى لك
يمكن جى ف إيده طينه
أو جى راكب فوق سفينه
أو غرقان ف جراحه راقد لسه ف قرار المدينه
***
أنا الولا أبو جلد أسمر
أنا اللى اقول الحق دايما مهما مرَّر
أنا اللى أمهُر نور عيونى بالمشاعر و اللى أمهَر
من ألف شاعر و اللى لافف و اللى داير
و الرمل عمره ما كان حراير
شب الوليد على ضحك سنى .. مات العدو من غرس سنى .. لكنى وحدى .. ما عدت قادر
دا عدوِّى ميت ..عدوِّى دوِّد.. الدود طِلِع لى عدو تانى
و آدينى نايم ف جراحى جوه قرار مدينه ما بتستحى
ما عدت أملُك غير بس صوتى
و الصبر .. الصبر نور
الصبر نور
يا عايشين ف الدوْر
يا مفرقين الأمل
على حيطان الدوُر
و كأنه ما يلزمش
و كأنه لسه ما نامش
لكنكم عارفين
صبح الموات بالدور
عمارة الحزن برج
دور وراه أدوار
أدوار وراها دور
ع السطح واقف شىء
بيمص منى الروح
بيمصها بشويش .. كل السكك مابتستحيش .. و انا بدى سكه.. عشان اعيش
أول ما لاقيها هاجيلك .. و أقييدلك كللللللللل قناديلك .. و تستَِريح الرجول العفيه
اللى سارحه م الصباح
للمغربيه
هناك 7 تعليقات:
ما شاء الله عليك
دي احلي حكايه يا حكواتي
نص الكلام انا اول مرة اسمعة واول مرة اتصورة
أنا اللى أمهُر نور عيونى بالمشاعر اللى أمهَر من ألف شاعر
عارف لما الراوي الشعبي يشد الناس بحكمة بعد الذاتية في الحدوتة
الرمل عمره ما كان حراير
فكرتني بده هنا
ده عدوى ميت ..عدوى دود.. الدود طلّع لى عدو تانى
اختصارا...وافية!!!ومش محتاجة تعليق
وصورك زي ماتقالك في التعليق اللي فات من محمود عبد الباسط اللي ماسلمتليش اكيد عليه
:)
جديدة تماما طازجة تماما
كده بقي عندي حكايتين..حكايات الولد ابو القلب الاخضراني وحكايه الولد ابو جلد اسمر
احه
احه بالجامد قوي عايزاقولك ان الكيبورد بايز وانا باكتب بالكيبورد بتاع الوينوز
كل ده عشان قولك بالصوت الحياني احاااااااااااااه
ايه اللي انت كاتبه ده
اكيد اكيد انت كنت طاير في السما وانت بتكتب
عجبتني الصور جداجدا
شب الوليد على ضحك سنى .. مات العدو من غرس سنى
صايع شعر من يومك طبعا كان نفسي استشهد بكذا صورة بس الذاكرة مابتشيلشي غير اخر كوبي
انت شغال بجهود كبير في نوع جديد من الكتابة وانت اثبت انك كفء فيه
انت هتخليني اغير منك وانشر بني الاهبل
هههه
سلام بقي لحسن تعبت م الكتابة بالماوس
الحكواتي الرائع/ محمد
ايوه كده يا عم عايزين الانطلاق والتحليق نحو الابداع
جامده اوي يا محمد بسم الله ماشاء الله
بخصوص حكايه السلفيه لما اشوفك اشرحك بالتفصيل يا حبيبي
saso
لسه كتيرر حكاوى جوه جراب الحاوى
الحمد لله
يارب تسمعى بعد كده كلام كله جديد بس مش غريب عليكى
هوه صحيح عمر الرمل كان حراير و حتى لو كان كان زحلق كده و بقى مايع حتى الواحد مايحسش إنه ماشى
الدود طلع لى عدو تانى موته دوِّد و الدود طلع لى عدو تانى موته ......
على دا الحال انا *** بموِّت فيك من كام سنه (أسف يا رولا)
هوه انا شفته خالص لسه دى كلها محبه من بعيد لبعيد
إستنى دا نا هلونهولك بكل الألوان الحلوه
لسه اللبنى و الوردى و الأبيض كتييير
إذا كان الإسود طلع حلو
أحلى سلااااام يا جميل
آدم
إه ده .. إحم .. ماليش دعوه
هو انت مستنينى عشان تنشر بنى الأهبل يا هبل :)
دى لازم تتنشر النهارده قبل بكره
فاكر لما كنت بتحكيهالى فى الساقيه كنت بتمايل إزاى من الطرب
حراااااااااام عليك
بصراحه دى أول قصيده تعملى دماغ عاليه قوى كده
كل ما أقولها بحس إنى إتفصلت عن الدنيا خالص
ربنا يخليك يا آدم و يوفقك يا رب
أحلى سلااااااااااااام
محمد مفيد
ربنا يخليك يا بو عبد الله (سلملى عليه و بوسهولى)
هو الإنطلاق ده .. مصيبه سوده .. كل فين و فين لما بييجى
أما بالنسبه لموضوع السلفيه لما اشوفك أشرحلك بالتفصيل :)
أحلى سلاااااااااااام
حلو يا محمد..ميزه الموقف انك من عندنا...
فبصراحه انا بشجع المنتج الوطني
يااااااااه
مزاجات على حق
له هيبة !
زيم كنت احس بهيبته في الأفلام القديمة
حكواتي مفوه : )
إرسال تعليق