الخمسه قروش
*********
خمسه قروش
ما بيتخانقوش
علشان حتة معدن واحده
و لإنها وحديها فشوش
عمرها ما بتقاسى الوِحده
دايما تلقى معاها بريزه
و لا ريال فضه متلمَّع
يدخل رمى عليها الجيب
أول ما تشوفه بتسخسخ
و بيحمر صفارها كسوف
و اما تدعبس إيد ف الجيب
يصفر حمارها م الخوف
خايفه يبعد
يخلف وعده
قبل ما يلحق أصلا يوعد
كل أملها يتجوزها
و يغيروا نواميس الكون
يتحوِّل معدنهم ورقه
و يقضوا حياتهم
ربع جنيه مش مخروم
* * *
و لإنها سفروته خالص
دايما تسقط تحت بعيد
شوف كام ليله عدوا عليها
شاهده ع اللى بيحصل جوه
جيب ده و لا سوق العيد
نوتة تليفون
تذكره بلكون
و سجاير على مليون لون
لما يزيدوا معاها إخواتها
تلقى فلاتر صفره ريحتها
مش شرقيه للدخان
و اما يقلوا
أو لما بتسمع
حلو يا حلو
تاخد وضع الإستعداد
للتنطيط ويا الكحه
هوه يكح
و هيه ترد عليه :
صحه
هناك 18 تعليقًا:
صحه يا عم الحاج
حلوه يا واد يا محمد
احاااااااااااااااه
احااااااااااااا باقوي جدا خالص
حلوة قوي قوي قوي قوي قوي قوي قوي قوي قوي قوي وقي قوي قوي قوي قوي قوي قوي قوي قوي
انت مجنون يلا
مجنون ورب الكعبة
لا انت صايع
والنعمة انت صايع
لا
انت شاااااااااااااعر
شاعر بمعني الكلمة
تحياتي
حلوة اووى
و فيها شقاوة جميلة
احا يا محمد احا جدا احا خالص احا بشكل مستفز
القصيدة اكثر من رائعه
الله يخرب بيتك يلا
محمد مفيد
ربنا يخليك يا محمد
آدم المصرى
إحم
يعنى أعمل فيك إيه
دايما بتخجلنى كده
nolovenolife
شكرا جدا
ما بينى وبين حبيبى هقول
عن العشاق و ع المجازيب
دا بينى وبينى ليل بيطول
وفيه
مزجات على المحاسيب
ومش هكتب بقيت القول
لان سياستى سيب وانا سيب
هسيبك تعرف القوال
ولوهرتل وقلت مريب
ايه الحلاوه دى دا انته احلى من القعده على الحاجه
يا مجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر
ازيك يا حمام انا ناجى
ايه يا عم بيت الشعر الجامد ده بجد
جامد جدااااااااااااااااااااااااا
وربنا يخليلك البرايز كلها ههههههههههه
واحشنى جداااا ابقى شوف البوست بتاعى وقولى رايك
اشوفك على خير
كتب شاعر وكل الافاقين خافوا
وفاض الكيل باششعاركوا وبخلافه
و واو العطف لوهتزيد على بيتك
هقول شاعر مبوظ شعر اسلافه
محمد
ازيك
:)
اتمنى انى اسمعها منك قريب
بجد وحشتونى
بااااااااااااشا ازيك ياجميل
عملت ايه في الامتحانات ياريس
بالتوفيق
تعالى شوف جديدي
شاركنا فى المدونة الجديدة (فى العتمة) الفكرة هى تحويل هذه المدونه لديوان شعر خاص بكل الشعراء المدونين الجادين فعلى القادرين على صياغة معنى جديد باسلوب راقى يساعد على تصفية الكم الهائل من مراهقى الكلمة... الدعوة مفتوحة و رجاء اضافة لينك لهذة المدونه فى مدونتك
يسرني ان اتقدم بخالص التهاني وأطيب التمنيات
لكم والأسرة الكريمة والأصدقاء
بمناسبة حلول شهر رمضان المبارك ،
أعاده الله علينا وعليكم وعلى مصرنا الحبيبة
بالخير واليمن والبركات
تقبل الله وكل عام وانتم بخير
اكتب بقي عن الورقة ام مية احسن يقولوا عليك من جيل عفا عليه الزمن
القروش دي انا باديها لأحمد يلعب بيها
انت يا ابني
اختفيت فين كل ده
البوست حلو وتحفة، بس مش هتستني عليه سنة بحالها
:)
سلام
نبأ عاجل اعلن المتحدث الرسمى باسم مستشفى البنك المركزى بيان هذا نصه
ايها الاخوه المواطنون بكل الحزن والاسى ننعى اليكم خبر وفاة الخمسة قروش والعشرة قروش وكل مايمتد الى القروش بصله هذا وقد اعلن نفس المتحدث دخول الورقه ام جنيه العنايه المركزه وتساقط الورقه ام خمسه جنيه وعشرة
وقد شعرت الورقه ام خمسين جنيه ببعض الزغلله والصداع
http://nisr-elsharq.blogspot.com/
where you come from!
إرسال تعليق