موال النسيم
يا نسيم يا قبالى
على إيه تشيل شالى؟!
لافف بأحوالى
وجى معاك على طول
إن طال حرّى مايطول
حرّى من عين الغول
و الغول عينيه قادحه
شرر مالوش غالى
و ف وسط الحر الشوم
شافت عيونى وشوش
يشتبهوا00 مايشتبهوش
مش همى ولا بالى
الحر كروتهم
كسر قلل بيتهم
و قاد ناره ف غيطهم
لاهاليبها ف علالى
ياعينى ع القمحه
ف الحر مش لمحه
أختها القمحه
و العيش ف المشمش
مشمشنا و لهطتوا
و نقانا كسّرتوا
و اهو غيطنا أهو حرقتوا
عشان منبدرشى ف الفجر أرواحنا
و نرويها بحنين
تطرح ف مرواحنا
و نغنى موالى
يا نسيم يا قبالى
على إيه تشيل شالى؟ّ!
لافف بأحوالى
و جى معاك على طول
هناك 5 تعليقات:
يا نسيم يا قبالى
على إيه تشيل شالى؟!
لافف بأحوالى
وجى معاك على طول
نسمة هواء صافيه تاخد معاها القلوب
تنشرح ليها الصدور
تبتسم ليه الشفايف
تتفتح ليها العيون
عادتي المملة اني اقرا من ورا لقدام
وحلو اني عملت كدة
انا حاسة اني عارفة الكلام دة ... سامعاة في وداني متغني
moorgen
متشكر قوى
saso
على فكره الكلام ده متلحن فعلا و اللى لحنه صديق ليه ملحن و مطرب أسمه هيثم محفوظ بس الغنوه لسه ماحدش سمعها
يبقى إزاى بقىىىىىىىىىى
الغنوه عليها عفريت و بتروح ودان الناس لوحدها و لا إيه:)
مممم
انت مستهدف يا محمد
الكلام وصللي لحد عندي انت لازم تراقب هيثم
saso
هيثم
هيثم دا حبيبى
و إذا كنت مستهدف منه فأنا راضى
:)
إرسال تعليق