روح رقصت فى صيدا
.........
الليله فى الضاحيه ساهره العيون صاحيه و الضرع ما بيجف
الضرع بيرضع عيل بيتفزّع لكنه ما بيحف
عامل حساب عيل ماعدش ليه تيل مستنى ييجى يلف
صوت الغارات عالى إتخفى طوالى لما نقرنا الدف
و رقصنا ع الدبكه و إيدينا أهى شابكه إيدينا ما ترجف
* * *
يا ليل آه يا ليل
أكون أنا قنديل و لا كونش أنا انا ديل
و لا كونش أنا انا طرف
موصول بجسم عليل
عمله و موقوف الصرف
إلا من بنك بخيل
* * *
صوت الليالى عويل عزارى بتنوح
و ام الشهيد زغاريد تطلقها بتفرح
بكا العيال عتال و ضهره متجرح
بكره العيال تكبر و ضهرها ينقام
و كل دم بجد هينعمله مقام
* * *
ف صباح العيد تجرى العناقيد ع الأغصان و تبوس الأيد
أغصان حمره..أغصان بيضه..أغصان شفافه سعيده معيده و عايده
زى الدم و قلب الأم و روح رقصت فى صيدا
هناك 13 تعليقًا:
ياباشا اعلق علي ايه علي الباشا بتاعنا ايه يا عم الجمال ده
محمد
:)
حلوة حلوة
بكا العيال عتال و ضهره متجرح
بكره العيال تكبر و ضهرها ينقام
و كل دم بجد هينعمله مقام
بكرة العيال تكبر والدنيا را تشهد
عيال حالفه تاخد بالطار
تاخد حق كل شهيد برصاص الغدر مات
تاخد حق كل بيت انهدم وانهار
عيال اتربت على الالم رسمت فى قلوبها الامل وحلفت لترفع العلم
تحياتى
محمد مفيد
و الله أنا بحبك لله فى لله كده
داأنت اللى باشا و ربنا يخليك و تعلق على شغلى على طول
moorgen
ربنا يخليكى
ماتتصوريش قد إيه بكون فرحان لما بكتب قصيده و تعجب الناس
على فكره أنتى بتكتبى حلو بس ياريت تبعدى عن المكرر و المتقال قبل كده
تحياتى (:
محمد
يعن ايه المتكرر والمتقال قبل كدا
انا مش بدخل بلوجات كتير عشان اعرف مين كتب ايه واعتقدان لو الموضوع واحد اكيد كل واحد بيكتب بأسلوبه ووجهة نظره
يا عم لا شكر علي واجب
moorgen
أنا أقصد يعنى التشبيهات العاديه زى مثلا (الليل طويل)(البعد عزاب)(بكره النهار هيطلع)(بدوب فى حبيبى)
الحجات دى من كتر ما إتقالت أصبحت ممله و مابتثيرش فى الواحد الإحساس البكر بالدهشه
أحسن حاجه و المفروض إن الشاعر يجتهد فى صنع صوره و تشبيهاته الخاصه بس على شرط صغير ماتكونش مفتعله و مش بريئه
أما بالنسبه للموضوعات فالكل ممكن يكتب فى موضوع واحد بس الشطاره إنك ما تبقيش شبه حد
أنصحك نصيحة حد بيحب الشعر و بيتمنى يخرج كل يوم شاعر جديد
إقرأى ل(فؤاد حداد-صلاح جاهين-طاهر البرنبالى-الأبنودى)
و أحلى سلام
حماده معلش فين هيثم محفوظ هو لسه معملش المدونه يا ريت تتطمني عليك وفينك يا عم انت بتتاخر اوي ليه كده؟
وياريت تسلملي عليه وعايز اتعرف عليكو اكتر والله ابقي اكتبلي ايميلك وانا ابعتلك عليه تليفوني ونكلم بعض ونتقابل بجد والله بحبك يالا اوي من غير ما اشوفك
محمد مفيد
معلش على التأخير يا باشا
هيثم بخير بس هو متعطل علشان كان فيه مشروع حفله فى ساقية الصاوى بس ربنا ما أردش و الحمد لله مضى عقد أربع ليالى فى ليالى المحروسه فى القاهره فى رمضان
أنا ميلى
neoandmatrix1@yahoo
و مستنى يا ريس
و أحلى سلااااااااااااام
انا محمد مفيد والله مش عارف انا حبيتك يالا من غير ما اكلمك باين عليك جدع يالا وربنا بحبك وده الحب في الله اللي من غير اي مصلحه سلم لي علي هيثم محفوظ وده ميلي وده رقمي 0104300788 ابقي كلمني عشان نحدد ميعاد ونتقابل انا بشتغل محاسب في مكتب في وسط البلد في ميدان طلعت حرب وعندي 25 سنه ومتزوج وعندي عبد الله سنه و4 شهور
مستني ردك وبسرعه
mido2252@hotmail.com
علي فكره الميل بتاعك في حاجه غلط
حلو خالص
صدق ووطنية وحب للخير
إلى الأمام
يا نحن
محمد مفيد
ربنا يخليك الحب متابادل
أبو أمل
ده من زوقك بس
و أحلى سلااااااااام
بص القصيدة دي فيها شوية ملاحظات كده مش عجباني
اولا فكرة اللكلام عن لبنان وفلسطين وبتاع انا رأيي ان ده محتاج انك تكون هناك وانك تشوف بعينك لان كلام الجرايد والتلفزيون مش كفاية حتي الروايات حتي لو حد صاحبك من هناك حكالك مش كفاية
لو انت رحت هناك واتكلمت انا هاصدقك غير كده مش هاعرف
الا لو القصيدة معدية اوي بقي
زي قصيدة حروف نقط ودم بتاعة (فتحي البريشي) مثلا لو كنت قرتها
تاني نقطة شعاع الامل اللي بينطلق في الاخر مش عارف ليه مش بتعاطف مع القصيدة اللي في اخرها أمل وحياة ورقص وكده يعني
:))
انا متأسف اذا كانت ملحظاتي بايخة شوية بس صدقني ده رأي شخصي مينكرش ان في القصيدة اسلوب جيد جدا وشغل لغة عالي
pianist
بالنسبه لموضوع المعايشه
مش معنى إنى مش هناك إنى ماحسش
و لو أنا أمنت بكلامك يبقى مش هشارك و لو بالكتابه يعنى هنفصل عن الواقع اللى بيعيشه أهلى
مثلا لو انا عايش فى اسكندريه و ابويا توفى فى المنصوره مش هاحس بيه
المسأله أنا شايفها فى التعاطف مش أكتر
أما الأمل فده زادى و زوادى من غيره بجد بجد هاموت و ده مش مجاز
و ع العموم مادام الإختلاف مش فى فنية القصيده(الحمد لله)
فا دى وجهات نظر
و أحلى سلاااااااام
إرسال تعليق