ع الحدود
يا مّا الندا جالى من أرض سلسالى
يا مّا ماتربطينيش ف زل اللقمه و عيالى
ياللى أنت و اقف ع الحدود و مش هامّك ضرب اليهود
بدى أكون عندك
أمى بتدعى ف السجود لكل شبر و راح يعود
و لبسمه فى خدك
و ابويا واقف ع البيبان مستنى فجر هناك يبان
من طلقه من يدك
كيف الحيارى السهر
كيف الشلل الدعا
كيف الكلاب الهوهوه
و كيفك أنت طلقتين مش ف الهوا
و صاروخ موجه واخد على خطره من الهدف القريب
لو كان بخطره
لالف و راح على تل أبيب
هناك 6 تعليقات:
مبروك المدونة
انا شاعر عامية اجو ان اطالعك اكثر
اجو التواصل وزيارتى
تحياتى وطالع جديدى
خيار السلام
الله يبارك فيك يا جميل
هاتابعك أكيد
هاى محمد
و ابويا واقف ع البيبان مستنى فجر هناك يبان
كلنا متسنين الفجر اكيد ان شاء الله الليل مش هايطول
ربنا ينصر المسلمين فى لبنان وفلسطين ويشتت جمع اليهود
محمد بصراحة فى بيتين مش ركبين معايا
كيف الحيارى السهر
كيف الشلل الدعا
كيف الكلاب الهوهوه
اصدك حال كل واحد
طب انا فهمت
ان حال الحيران السهر
معلش ممكن يكون سوء فهم منى
ولا ايه؟
moorgen
شكرا الأول على متابعتك
أنا قصدى كيف يعنى مزاج و طبعا المزاج هيؤدى لحاله
الحيارى مزاجهم السهر و الشلل مزاجه الدعا علشان مش عارف يعمل حاجه تانيه و هكذا
يارب أكون قدرت أوصلك المعنى و لو عندك إستفسار تانى أنا هنا مش رايح فى حته
ياااة عليك
مليون مرة فكرت في حالة الاستفزاز دي
لو انا جندي والموت بيلعب عليا لعبة نيشان وقدامي عدوي الوحيد زي الغراب بينزل يخطف وينسحب لعشة اللي قدام عيني .. كنت هاعمل اية.. واللي يهموني هيعملوا اية من بعدي... ( كيفك انت طلقتين ) دي رااااااائعة
أولا شكرا على تشريفك مدونتى
أنا برد عليكى بعد ما دخلت مدونتك الأول و عرفت قد إيه إنتى شخص مبدع و محترم
ما علينا
حالة العجز اللى إنتى بتقولى عليها دى خطرت على بالى كتير بس من كتر الخوف كنت بطردها من مخى بسرعه عشان أحافظ على قلبى الغلبان
بس الحمد لله إن الحرب الأخرانيه اللى إنتصرنا فيها و حطى ألف خط تحت إنتصرنا لحقت الواحد فى الوقت المناسب
و ربنا يخليكى على الإطراء
أحلى سلااااااااااااام
إرسال تعليق