الأربعاء، فبراير 28، 2007

عمنا "على عبد العزيز" بقى عضو إتحاد كتاب مصر
الراجل اللى إتلاقانى أول ما رحت نادى الأدب و اللى ورانى السكه و اللى وقف جنبى
بهدى له بالمناسبه دى القصيده الصغيره دى
*********
سمعنى شعر
يا عمنا على يا جميل
و طوف بقلبى م " الرمادى ع البصره " ع الخليل
خلينى اصدق
إن ليه هناك قرايب
و إن ليهم حق
زى خالى و زى عمى
ف الزكاه و ف الضحيه
و إنه أبدا مش فضل منى
ده دين عليه
إن ليلهم يكون مش عتمه بس
لازم تقول فيه الكهارب
لازم تعيد فيه الكهارب
لازم تدوق كل القلوب
طعم الغُنى تحت الكهارب
*************
ألف ألف مبروك يا عم على
*************
ملاحظه 1 : القصيده جزء من قصيده كبيره بعنوان الكهارب
ملاحظه 2 : ما بين علامات التنصيص شعر عم على

هناك 9 تعليقات:

admelmasry يقول...

ابو الفتووح يا جميل

سلم لي علي عم علي الرائع

مـحـمـد مـفـيـد يقول...

حقا يا محمد كم هو رائع
قد تحدث معه في ليالي المحروسه وكم كان متواضع وبديع
ارجو ان توصل له سلامي

محمد أبو الفتوح يقول...

يوصل سلامكوا يا حبايب

غير معرف يقول...

ما شاء الله عليــــــــــــــك

غير معرف يقول...

على مزاجي أنــــــــــــــــــا ؟؟؟

دكتور مستكنيص يقول...

ماشاء الله شعرك وأسلوبك جميل لكن أنا اللي دخلني لمدونتك حاجة تانية خالص وهيا غن اسمك زي اسمي محمد أبوالفتوح واما دخلت ذهلت اكتر لاني كمان بكتب شعر ومن كام يوم كان حد اعرفه بيحكيلي عن عم علي انا خايف لتكون انت هو انا

محمد أبو الفتوح يقول...

دكتور مستكنيس
يااااااااه ع الدنيا
أنا يا عم
ههههههه
و بعدين خايف لا يكون انا ليه ده أحلى حاجه ف الدنيا اللُقا
شرفتنى بجد

غير معرف يقول...

أجمل حاجة عجبتني في شعر عم عليّ " بقرتنا " .. سمعتها من هيثم محفوظ

غير معرف يقول...

cool blog