الخميس، فبراير 26، 2009

موال يا حلوه يا امُ التوب لاسمر

المره دى جايبلكم كنز من كنوز الغُنى الشعبى المصرى الجميل .. موال يا حلوه يا ام التوب لاسمر للفنان الشعبى الجميل الكبير الحاج يوسف شتا .. الموال مكتوب و مسموع من اللينك اللى ف الآخر .. أسيبكوا بقى تستمتعوا
*************************************************

عرفت عينيه الدموع يا منيتى بعدك
والسر بين الضلوع أشكيه لمين بعدك

صبحت مثل الشموع لما الزمان بعدك
***
حاولت أنسى همومى والعذاب أخفيه
وغصب عنى بيجى الشوق يغلبنى
بيضيع منى نصيبى والأمل أخفيه
وصبح عزولى بكلام اللوم يغلبنى
سهم المحبه جرحنى والألم أخفيه
وان جيت أنسى ألاقى الحنين يغلبنى
***
يا عز لاحباب أنا قلبى هوى قلبك
أعيش فى عز وسعاده لو رضى قلبك
قلبى إليك انفتح بقى قلبك
والجنه فى قربك والجحيم بعدك

***

يا حلوه يا امُ التوب الاسمر

و يا امُ الطرحه الحريرى

الوجه سبحان من صوَّر

و زى البدر المنيرِ

ردى عليه شغلتينى

و ناديت و لا كلمتنى

طول الليالى تركتينى

عايش ف وجدى و تفكيرى

الورده إيدك زيناها

و عينيه دولا شايفاها

و عشقها قلبى و هواها

مين يستاهلها .. مين غيرى

غنيتى و عجبنى غاكى

و وقفت سارح وياكى

و الورد داق اللى معاكى

خد من جمالك كتيرِ

يا حلوه يا امُ التوب الاسمر

***

اللينك :

http://www.4shared.com/get/89739250/4ed9f9da/______.html

هناك 7 تعليقات:

Soul.o0o.Whisper يقول...

السلام عليكم و رحمة الله

أولا بجد بأشكرك على زيارتك
و على كلامك .. حقيقى ربنا يكرمك يارب

و حاضر المرة الجاية هابتسم :)

ثانيا بأعتذر عن التأخير

ثالثا قرأت القصيدة اللى فاتت
بجد جميلة جدا
مستنيين ابداعاتك

و شكرا على الموال دا
كلماته حلوة




دمت بود

doctor mohamad يقول...

أحسنت محمد _ كلمات شعرك تتميز بالوجدانية العالية و قلة الكلمات و كثرة المعانى .. أحسنت

غير معرف يقول...

احييك على الاختيار

وعليها احييك مره اخرى على قلمك فى باقى التدوينات
واشكرك لانك دلتنى على مدونتك
لى عوده ان شاء الله
منى
مدونه احاسيس

مصطفى حسان يقول...

أولا انت واحشني جدا جدا ...
وبجد انا مش عاوز اقول لك ان اغاني الفلكلور دي بتستهويني قد ايه .. لأنها بتبقي تلقائية وجميله جدا

ثانياً بقي عاوزين نشوفك يا عمده

محمد أبو الفتوح يقول...

soul whisper
أولا و أخيرا لا شكر على واجب
doctor mohamed
ربنا يكرمك يا دكتره
منى
و الله انا اللى أحيكى على اهتمامك
درش حبيب قلبى
و الله العظيم و انت كمان
خد تليفونى من احمد رأفت و كلمنى

maxbeta3zaman يقول...

كدت أن أعلق - عندما قرأت الكلمات دون التنبه لكونها مواويل- بأنها تذكرنى بفن الراحل محمد طه وأحسبك تعرفه الذى كان يتفنن فى جعل القافيه بنفس الكلمة ولكن بمعان مختلفة مثل
يالابسين الملا لبس الملا غيه
فايت على دار حبيبى قصدى الملاغيه
الناس دى عندها مخزون شعبى فيه الجمال الفطرى والتعبير البسيط الذى ينفذ الى القلب مباشرة
تحية لك

Unknown يقول...

thx

كشف تسربات المياة
غسيل خزانات
شركة نظافة عامة