العواف
------
1
العمر المدلدل م الخلاص
_الخلاص المربوط مش كويس_
بيجرى عايز يخرج م العياده
يدوبك دقيقتين
و كان ِنفسه يرد نَفسه ف بطنها
كان اللى حصل حصل
و الدمعه نزلت ع البصل
2
السنين المتشعبطه ف نهايتها
و بتهمل الحاجات دى اللى اسمها أيام و شهور
............بتساعد المجىء السريع لل
3
/الصوت المشروخ بالعرض
/العمر المقصوف بالطول
الخورج الرامى لكل حاجه
الشايل ليكوا
هناك 9 تعليقات:
ايه
ده عالية جداً
هو ده اللى كنت بدورر عليه
ف شعرك
التكثيف العالى اللى بيقول كلا م كتييييييييير
ف كلمتين
وف آخر القصيدة
تحس بالإندهاش
إلى الأمام
انتشر فى البلوجر
عشان الناس تقراك
تحياتى
فتحى حمدالله
قنا
كوم الضبع
عنوانى كاملاً
للتواصل
عزيزي محمد
من اروع ما كتبت واحب جدا التواصل بالمتررادفات الجامده دي
شجيه اوي
أبو أمل
ربنا يخليك يا صعيدى يا جميل
تعرف أنا كنت خايف شويه من القصيده دى علشان جديده عليا و كنت كاتبها فى حالة سكر من المزيكا(المزيكا بس و الله) وما فكرتش أنا بكتب إيه خالص
بس الحمد لله
و بالنسبه للتواصل أبعتلى إ ميلك أسرع من البريد العادى
و أخيرا بلدكوا إسمها حلو قوى بجد
و أحلى سلااااااااااام
محمد مفيد
فرحتنى يا محمد
إدعي لى بس
أحلى سلااااااااام
محمد
انا قريتها اكتر من مرة بس عشان استوعب انا عارفه ان العيب فيا
:)
انا حسيت انك اختصرت موضوع كبير فى الكلمات التى تعبر عنه
يعن اكتافيت بالمدلول
؟؟
moorgen
العيب مش فيكى و لا حاجه
ليه كده بس :)
هيه لازم تتقرى أكتر من مره عشان الواحد يتأملها كويس
أنا بكل بساطه لخصت العمر بسرعه جدا و كأننا بنقول للدنيا العواف و نمشى على طول
و أحلى سلااااااااااام
جمييل جدا
خد بايدي بقي
آدم المصرى
ربنا يخليك بجد عجبك؟
أنا يا عم زى زيك لسه بحبى
نخد بيد بعض إن شاء الله
و أى حاجه أنا تحت أمرك
عزيزى محمد
مبسوط جدا انى لقيتن شغلك على النت واستمتعت بقصايد حلوه قوى هكون دايما على اتصال محمودعبد الباسط
محمود عبد الباسط
ربنا يخليك يا محمود
أنا مبسوط قوى قوى إنك قريت قصايدى
و أحلى سلاااااااام
إرسال تعليق