عيل كبير السن
*********
لمّا الصغير يكبر
و يعدى سور ورا سور
و الناس بتتفرَّج
مابين ناكر و بين مبهور
تتشقق السموات و تندَّع الميه
تتفتح الشماسى فى الرايحه و الجايه
و هو ماشى شايل أحلامه شمسيه
يسمع كلام الناس من ودن دواره
و يخرجه ع الورق عرق الفواعليه
كان ياما كان من زمن عيل كبير السن
لا عمره لعب الحجله و لا غيرشى سن
و لا كانش دارى إنه أيامه فيه بتسن
هناك 11 تعليقًا:
يا بيني انت جميل
كلامك بسيط و سهل بس عميق جدا
الله ينور عليك
بس انا شايف ان المزيكا وقعت منك شويه هنا
عم محمد
كلنا منا بداخله عيل صغير بس امتي يظهر هذا هو السؤال
اعتقد ان المدونه تحتاج الي اراءك بجانب اشعارك يا جميل
cortex
ربنا يبارك لك يا سيدى
و ينور عليك إنت كمان
بالنوسبه لموضوع المزيكا أصل أنا كاتبها غنوه مش قصيده و لحنها معالج المزيكا
محمد مفيد
إمتى يظهر آآآآآآآآه و الله ما عارف
أرائى!! ما بلاااااااااش
الفن أحسن
ما جمعنا علي بعض ارائنا الجريئه التي اصبحت الان اكثر من اخوات فلابد من معرفه اراءك في ما يجري حولنا
ده مجرد راي يحتمل الصواب او الخطأ
محمد مفيد
حاضر هاكتب مقالات قريبا أوضح فيها رأى فى كل حاجه إن شاء الله
جميل بجد
حلو اوي لما كملت.. زي العادة باسمعها كانها بتاعتي وبغير فيها براحتي
:)
بقولها من الاخر للاول من اول كان يا ما كان
علشان عجباني.. ايامة فية بتسن.. وراها عيل كبير السن
وسمعاها بصوت هيثم اللي بقيت بحب اوي صوته.. يسمع كلام الناس،، ويخرجه ع الورق صورك حلوة اوي اوي
الله عليك .. وتعليقا علي كلام محمد مفيد البلوج بتاعك انت بتحب تكتب في اية اكتر شعرك واغانيك وبس ولا كل حاجه
المهم انك بتكتب واننا بنحب اللي بتكتبه
لاننا اصبحنا مجموعه متكامله متواصله وربنا يديم علينا هذه النعنه لابد من معرفه الاراء والاتجاهات
ده مجرد رايئ يا ست ساسو
محمد ازيك
بجد كلماتك بقت قليله لكن معانيها كبيرة
كلنا بداخلنا اطفال بنحن للحظه ترجعنا اطفال تانى فى البراءة والضحكة الصافية
ولزمن عايشينه مش عايشنا
:)
lamia mahmude
ربنا يخليكى
saso
و كالعاده بحس بالنشوه و أنا بقرا تعليقك
يا ستى القصيده قصيدتك و على فكره هيثم غناها فعلا
و بالنسبه لموضوع الصور ده أنا ماليش يده فيه ده رزق من عند ربنا و الله
و أحلى سلاااااااام
محمد مفيد
عندك حق يا محمد هبدأ أنشر أرائى بس إستحملوا بقى جنانى أو يمكن عقلى أنتوا اللى هتحددوا
moorgen
أول ما شوفت تعليقك لقيت المدونه كلها ورّقت و شميت ريحة برفان من الشاشه
(كلام أخوى و الله) الله يسلمك و ألف شكر على إحساسك الرقيق و الزمن هنعيشه هنعيشه و ما نيل المطالب يا أستاذه :)
و أحلى سلااااااااااام
بصراحه انا مش فاهم كلامك انت تقصد مين حتي استطيع فهم كلامك
إرسال تعليق