نَفَس العيال
********
عين السما م الأرض
عيله و طايشه
و البدر قال للزرع يا بختك
نزل الندى من هنا
غفّل على خدك
لولاش الدنيا هتعتم
لكنت ابات عندك
شوف العيون قاصر
سته على ستين
ما تجوز الحكمه ع الصغير
ولا حتى بالتسنين
اللعب نَفَس العيال
و السما بنوته شعرها مضفر
البدر ده التوكه
__________
على فكره هيثم لحنها يا كماعه:) و حلوه قوى قوى
هناك 9 تعليقات:
اشطة اول كومنت هيه
حلو قوي اتلم المتعوس على خايب الرجا ... مين بقى المتعوس ومين خايب الرجا اقولك انا باكتب زجل وكلام حلمنتيشي ومكنجي كلام وعاوز حد يلحن ويغني يبقى مين فين ايه ولا انت فكرك ايه كل سنة وانت طيب هههههههههههه اما بالنوسبة للكلام اللي انا قريته من غير مجاملة ازاي هيثم لحنه ؟؟؟
حلوة يا صاحبي
بس كمل... انا حاسس ان في كلام كتير كان عايز يتقال
يااااااااااه عليك
واللة بقالي اكتر من 1/2 ساعه فاتحاها وبقولها بكل طبقه صوت شويه
عجباني بجد اوي اوي
من اول كلام البدر للزرع كلام تاني
هيثم لحنها !! بتقفل عليا اني اقول سامعاها متنغـّمه يعني:)
محمد
:)
كل سنه وانت طيب
ايه دا بجد انا ركزت فيها اوى كلامها حاسه اوى
الله يا محمد
سما وارض طاير فى السما وثابت فى الارض
ومعاهم حضن الندى للزرع
ونور البدر اللى بيرسم احلى حكايه
جامد يا شاعر .. ونفسي اسمعها طبعا اغنية لكن انا حاسس انها مش كاملة .. انت قاصص منها ولا ايه ؟
اوعي انا افهمها وهي طايرة برده
ههههههه
بس ازاي البدر يقول للزرع
لولاش الدنيا هتعتك لكنت ابات عندك
المفروض يقوله لولاش الدنيا هتنور .. ولا ايه ؟
والسلاااااااااااام
احييك علي احساسك الجامد ده وده مش جديدي عليك
وانت فين يا عم؟
المزاجنجى
ماشى يا معلم بس من غير مؤاخذه كده أنا لا متعوس ولا خايب رجا و لا مكنجى كلام
يا عم هيثم ملحن جامد
إدخل على مدونته و نزل الأغانى و أنت تعرف
و أحلى سلااااااااااام
cortex
صاحبى بص هو أنا لما بقعد أكتب لما الكلام بيخلص تبقى القصيده خلصت و يمكن أكون أنا بستسهل أو بتعب بسرعه من حالة الإبداع العاليه الله أعلم
و ألف شكر ليك
و أحلى سلااااااااااام
saso
يعنى بجد كل ما بقرا تعليقك بافرح قوى
نص ساعه دا كتير عليه والله هى حلوه قوى كده؟
متشكر ليكى قوى يا رافعه معنوياتى
و أحلى سلااااااااااام
moorgen
و أنت بالصحه و السلامه
بجد أنا قدرت أوصلك للحاله دى!
الحمد لله
خليكوا ورايا على طول
و أحلى سلاااااااااااام
adam
لا و الله يا آدم ما حزفتش منها حاجه و أنا ضد إن أى فنان يحزف أى حاجه كتبها لأن أى شىء يخرج منه أكيد هيكون جزء من شخصيته و لو أنا إتعودت أحزف هلاقى مليون سبب علشان أبطل كتابه خالص
و على فكره أنا أقصد إن البدر بيخلى الضلمه مش معتمه بيخليها خفيفه شويه ف لو ساب مكانه و نزل يبات عند الزرع مش هيكون موجود أى نور وسط الضلمه
مش كده و لا إيييييييييييه؟
هههههههههههههه
و أحلى سلاااااااااااام
محمد مفيد
ربنا يخليك أنا هنا أهوه
و السما بنوته شعرها مضفر
البدر ده التوكه
جميل يا محمد :)
محمود عزت
شكرا يا شاعر
إرسال تعليق